DE | IT | LAD
Detail scribo b%c3%bccher 2
07.10.2020
Scribo: Premiazion dla sezion senior dl cuncors leterer Scribo "Senior" y prejentazion di libri

Pra la sezion senior dla cuarta edizion dl cuncors leterer metù a jì dala repartizion Aministrazion dla scola y cultura ladina dla Provinzia autonoma de Bulsan iel de ndut unì dat ju nuef operes letereres che ie unides valutedes aldò dl lingaz, dl cuntenut y dl’uriginalità.

Cun la cuntia "L Testamënt dl Lëuf" à Ivan Senoner venciù l prim pest. L segondo pest se à davanià Rut Bernardi cun l’opera "Vites scutedes via. Essays letereres."

 

La doi publicazions unirà prejentedes

n sada ai 10 de utober 2020

dala 20.30

tla cësa de cultura Luis Trenker a Urtijëi

 

Sëuraprò ai autores Ivan Senoner y Rut Bernardi saral prejënc Edith Ploner, diretëura dla Intendënza y Cultura ladina y l diretëur de Repartizion dla scola y cultura ladina Mathias Stuflesser. Ingrid Runggaldier purtrerà dant n valgun pensieres sciche presidënta dla cumiscion de valutazion. L sunerà Max Castlunger.

Nce duc i media ie de cuer nviei ala prejentazion.

Resservé ie de ublianza, prëibel scrijëde a: culturaladina@provinzia.bz.it