Chi che nëus son
Cie che nëus fajon dut l di
Nëus
• crion rëies, sustenion y nfurmon nosta cumëmbres y nosc cumëmbri
• cialon de avëi tresora n liam cun sustenidëures putenziei
• se cruzion che l sibe da garat ucajions de letures
• ti stajon do a liams cun istituzions cultureles dl Südtirol de duta la grupes de rujeneda coche nce cun lies de leteratura nternaziuneles y cun autores.
Y l nes fej dantaldut plajëi sce son boni de arjonjer y de ancunté persones che ne n’ie nia da cësa tl cërtl stlut dla leteratura.
Nosc cunsëi
Rut Bernardi, Matteo Jamunno, Astrid Kofler, Brigitte Knapp, Nadia Rungger, Anna Lena Tonner, Claudia Jocher, Joanna Voss
Storia
La SAAV – dant a prima SAV – ie unida fundeda ai 30 de nuvëmber dl 1980. Son perchël bele da passa 40 ani tlo! Ti statuc dla lia possen dal scumenciamënt inant liejer che la lia dëssa sustenì i bujëns dla y di autores se festidian de si nteresc tl ciamp soziel, sindachel y culturel. Chësc vel nchina ncueicundì. D’autri aspec se à ntan i ultims ani scialdi mudà: La SAAV numinea ncuei te si inuem nce la autores, l ie na lia che sustën de plu rujenedes te n cuntest plurilinguel, la à na strutura prufesciunela cun na bela sënta, na aministrazion, na contabltà, na cunsulënza per i paiamënc y la chëutes y la mët a jì truepa letures letereres y manifestazions n culaburazion cun d’autra formes d’ert. Y la ne n’à nia plu 20 ma bën passa 110 cumëmbres y cumëmbri.
