Ivan Senoner
Ivan Senoner ie nasciù tl 1978 a Bulsan y ie de Urtijëi. L à fat l lizeum scientifich a Bulsan y à studià “Lettere, ndiriz filosofich” al’università de Trënt. L nsënia ladin tla scola mesana de Sëlva. Senoner cunlaurea coche cunlauradëur liede per la zaita “La Usc di Ladins” y fej trasmiscions tla televijion y tl radio per la RAI Ladinia. Leprò àl publicà truepa poejies y tesć de prosa te antologies y zaites.
L scritëur ladin à publicà de plu romans storics, danter chisc “L Testamënt dl Lëuf” y “L fova n iede te Gherdëina” y à venciù de plu edizions dl cuncors leterer ladin “Autëures Ladins scrij”.
La luna, belau colma alauta tl ciel, ti lecurdova na jufa. Omla y sluminënta semiovela se goder la ntraunides da mont. Vardiana di sucrëc y de duta la lijëndes scrites su per i mpander.
