DE | IT | LAD
Detail design ohne titel 1
11.09.2021
1/2 Mittag - Leteratöra tla curt de letöra

 

Trëi de beles sabedes de stetëmber y otober lí auturs y auturies da chiló y da foradecá tla curt dla Biblioteca provinziala Dr. Friedrich Teßmann fora de sües operes y nes lascia ciutié ite te so laur. 1/2 Mittag (6) presentëia lirica y prosa te de plü lingac de auturies y auturs conesciüs y che se fej bel plan conësce y ti fej lerch a formac che vá sura i ciamps fora. N esperimënt che la vega incunta n cunté che se tëgn zoruch, le jüch de parores poetich incunta contignüs impegná, aziuns performatives incunta formes classiches. 


11 de setëmber
SCOMENCIAMËNT DALES 10:00 (entrada dales 09:30 inant)
Eugenia Giancaspro, neutro (Troger/Neuwirth), Jörg Piringer
Le danmisdé de letöra mët man dales 10 tla curt de letöra dla Biblioteca provinziala Dr. Friedrich Teßmann tla strada A. Diaz 8 a Balsan. 

 

Ai 11 de setëmber él formes interdisciplinares dla leteratöra tl zënter. La slammer che vir a Milan Eugenia Giancaspro traslatëia sü tesć melodics simultaneamënter tl lingaz di sëgns y cheriëia insciö evënc linguistics straordinars. Le duo neutro, metü adöm da Martin Troger dl Südtirol y Anna Neuwirth dla Bassa Austria, se dá jö cun la combinaziun de test y imaja y presentëia le liber publiché chësc ann [EIS] te na performance che vá sura i genre fora. Jörg Piringer da Viena se möi tl punt de incuntada dla leteratöra, dl sonn y dla poesia eletronica y tematisëia te süa performance creatöres discursives tl raiun digital.

 

Dla linia de letöres y de süa moderaziun se crüzia Eeva Aichner y Matthias Vieider.

 

Gnide prëibel por tëmp y ora! La manifestaziun vëgn a se le dé tla curt de letöra respetan avisa les regoles sön la segurëza da sëgn - sce al é burt tëmp é la manifestaziun tl salf de letöra y al pó ma pormez n cer numer de porsones.

Resservede prëibel n post da se senté jö tres le sistem de prenotaziun sön la plata web dla biblioteca provinziala.